அனைத்து தரப்பு மக்களுக்கும் அதிகாரம் அளிக்கும் அம்சங்கள் மத்திய பட்ஜெட்டில் உள்ளதாக பிரதமர் மோடி தெரிவித்துள்ளார்.
மத்திய பட்ஜெட் தாக்கல் செய்யப்பட்டதை தொடர்ந்து நாட்டு மக்களுக்கு உரையாற்றிய பிரதமர் மோடி, கடந்த 10 ஆண்டுகளில் 25 கோடி மக்கள் வறுமையில் இருந்து மீண்டுள்ளதாகவும், இந்த பட்ஜெட் பெண்கள், சிறு வணிகர்கள், சிறு, குறு மற்றும் நடுத்தர நிறுவனங்களுக்கு உதவும் என்றும் கூறினார்.
இந்த பட்ஜெட் மூலம், இளைஞர்களுக்கு ஏராளமான வாய்ப்புகள் கிடைக்கும் எனவும், நாட்டின் பொருளாதார வளர்ச்சிக்கு பட்ஜெட் உறுதுணையாக இருக்கும் என்றும் பிரதமர் மோடி கூறினார்.
இந்த பட்ஜெட் நடுத்தர மக்களுக்கானது என்று குறிப்பிட்ட பிரதமர் மோடி, மகளிருக்கான எண்ணற்ற திட்டங்கள் இந்த பட்ஜெட்டில் இடம்பெற்றுள்ளதாகவும் கூறினார்.
முத்ரா திட்டத்தின் மூலம் வழங்கப்படும் கடன் தொகை உயர்த்தப்பட்டுள்ளதாகவும், வருமான வரி கணக்கு தாக்கல் செய்வது எளிமைப்படுத்தப்பட்டுள்ளதாகவும் பிரதமர் மோடி குறிப்பிட்டார்.
