ஆகஸ்ட் மாதத்திற்கான 45 டிஎம்சி தண்ணீரை தமிழகத்திற்கு திறப்பது குறித்து வரும் 30ஆம் தேதி முடிவு எடுக்கப்படும் என காவிரி மேலாண்மை ஆணையம் அறிவித்துள்ளது.
காவிரி மேலாண்மை ஆணையத்தின் 32வது கூட்டம் அதன் தலைவர் எஸ்.கே.ஹல்தர் தலைமையில் டெல்லியில் நடைபெற்றது.
தமிழக அரசின் சார்பில் நீர்வளத் துறை கூடுதல் தலைமைச் செயலாளர் மணிவாசன் பங்கேற்றார். கூட்டத்தில், உச்ச நீதிமன்ற உத்தரவுப்படி தமிழகத்திற்கு ஆகஸ்ட் மாதத்திற்கான 45 டிஎம்சி தண்ணீரை திறக்க கர்நாடக அரசுக்கு உத்தரவிட வேண்டும் என தமிழகம் தரப்பில் வலியுறுத்தப்பட்டது.
கூட்டத்திற்கு பின்னர் செய்தியாளர்களிடம் பேசிய மணிவாசகன், “தமிழகத்திற்கான உரிய நீரை மாதந்தோறும் வழங்க வேண்டும் என வலியுறுத்தியதாகக் கூறினார். தற்போது மழை பெய்து வருவதால் தண்ணீர் வழங்க கர்நாடகா எதிர்ப்பு தெரிவிக்கவில்லை எனவும் அவர் தெரிவித்தார்.
