தூத்துக்குடி மாவட்டம், கோவில்பட்டியில் தபால்நிலைய ஊழியர் ஒருவர் ஹிந்தியில் நிரப்பப்படும் தபால்கள் மட்டுமே ஏற்றுக்கொள்ளப்படும் எனக் கூறியது சர்ச்சையை ஏற்படுத்தியுள்ளது.
இந்த அலுவலகத்தின் பதிவு தபால் பிரிவில் பணிபுரியும் பாண்டே என்பவர் தமிழில் நிரப்பப்பட்டு வரும் தபால்களை அனுப்ப முடியாது எனவும், தனக்கு ஹிந்தி மட்டுமே தெரியும் என்பதால் அந்த மொழியில் படிவங்களை நிரப்பி வருமாறு பொதுமக்களிடம் தெரிவித்ததாகக் கூறப்படுகிறது.
இது குறித்து தலைமை தபால் அதிகாரியிடம் புகாரளித்தபின் தமிழ் படிவங்கள் ஏற்றுக்கொள்ளப்பட்டன.
