வயநாடு நிலச்சரிவில் 5 நாள்களாக சூச்சிபாறை அருவி அருகே சிக்கிய 3 பேரை ஹெலிகாப்டர் மூலம் ராணுவ வீரர்கள் பத்திரமாக காப்பாற்றினர்.
வயநாடு மாவட்டத்தில் கடந்த 29 -ம் தேதி கடும் நிலச்சரிவு ஏற்பட்டது. சூச்சிபாறை அருவி அருகே மலப்புரத்தைச் சேர்ந்த சலி, ரியாஸ், முஸின் என்ற 3 இளைஞர்கள் உயிருடன் சிக்கி தவிப்பதாக கடலோர காவல்படை ரேடார் மூலம் கண்டறியப்பட்டது.
உடனடியாக ஹெலிகாப்டர் உதவியுடன் ராணுவத்தினர் பத்திரமாக மீட்டனர். கடந்த 5 நாட்களாக தண்ணீரை மட்டுமே குடித்து உயிர் வாழ்ந்ததாகவும், ஒரு நாள் இரவு முழுவதும் பாறைகளில் சிக்கி தொங்கியுள்ளதாக அந்த இளைஞர்கள் கண்ணீர்மல்க தெரிவித்தனர்.
மேலும், உயிரை பணயம் வைத்து தங்களை காப்பாற்றிய ராணுவ வீரர்களுக்கு நன்றி தெரிவித்தனர்.
