நெல்லை மாநகராட்சியை தொடர்ந்து கோவை மாநகராட்சியிலும் திமுகவின் உட்கட்சி பூசல் வெடித்தது. அமைச்சர் கே.என்.நேரு முன்னிலையில் கவுன்சிலர் சாந்தி முருகன் குரல் உயர்த்தியதால் பரபரப்பு ஏற்பட்டது.
கோவை மாநகராட்சியில் மேயர் தேர்தலையொட்டி, அமைச்சர் கே என் நேரு தலைமையில் ஆலோசனை கூட்டம் தனியார் மண்டபத்தில் நடைபெற்றது.
இதில், அமைச்சர்கள் கே.என்.நேரு மற்றும் முத்துசாமி தலைமையில் 96 திமுக கவுன்சிலர்கள் பங்கேற்றனர். அப்போது பேசிய கவுன்சிலர் சாந்தி முருகன், 50 வருடங்களாக கட்சிக்காக உழைத்து வருவதாகவும், தங்களது வருவாயின் பெரும் பகுதியை திமுகவிற்கே செலவு செய்திருப்பதாகவும் தெரிவித்தார்.
எனவே ரங்கநாயகியை மேயராக நிறுத்துவதை ஏற்க முடியாது என அமைச்சர்களை எதிர்த்து கவுன்சிலர் சாந்தி முருகன் பேசியதால் கூட்டத்தில் பரபரப்பு நிலவியது. கோவையிலும் திமுகவின் விவகாரம் விஸ்வரூபம் எடுத்திருப்பது இணையத்தில் வைரலாகி உள்ளது.
