பாரிஸ் ஒலிம்பிக்கில் இருந்து மல்யுத்த வீராங்கனை அண்டிம் பங்கல் வெளியேற்றம்!

பாரிஸ் ஒலிம்பிக் கிராமத்தில் இருந்து இந்திய வீராங்கனை மற்றும் அவரது பயிற்சியாளர் வெளியேற்றப்பட்ட சம்பவம் பெரும் அதிர்ச்சியை ஏற்படுத்தியுள்ளது.

பாரிஸ் ஒலிம்பிக்கில் மகளிருக்கான 53 கிலோ எடை பிரிவில் கலந்து கொண்ட இந்திய வீராங்கனை அண்டிம் பங்கல், காலிறுதி போட்டியில் துருக்கி வீராங்கனையிடம் தோல்வியடைந்தார்.

போட்டி நடைபெறும் இடத்திற்கு வீரர்கள் மற்றும் பயிற்சியாளர்களுக்கு மட்டுமே அனுமதி வழங்கப்படும் நிலையில், அனுமதியை மீறி அவரது தங்கை நுழைந்ததாகக் கூறப்படுகிறது.

இதனால், பாதுகாப்பு விதிகளை மீறியதாக ஆண்டிம் பங்கலின் சகோதரியை கைது செய்த பாரிஸ் போலீசார், பின்னர் அவரை எச்சரித்து விடுவித்தனர். இதனிடையே, ஒலிம்பிக் விதிகளை மீறியதாக இந்திய வீராங்கனை ஆண்டிம் பங்கல் மற்றும் அவரது பயிற்சியாளர்கள் அடங்கிய குழுவினருக்கான அங்கீகாரத்தை சர்வதேச ஒலிம்பிக் சங்கம் ரத்து செய்தது.

இதனால், ஒலிம்பிக் கிராமத்தில் இருந்து அவர்கள் உடனடியாக வெளியேற வேண்டிய நிலை ஏற்பட்டது. இதனை அறிந்த மத்திய அரசு, அண்டிம் பங்கல் மற்றும் அவரது பயிற்சியாளர்கள் உள்ளிட்ட அனைவரையும் உடனடியாக நாடு திரும்ப உத்தரவிட்டுள்ளது.