அரசு போக்குவரத்து தொழிலாளர்களின் குடும்ப திருமண நிகழ்ச்சிகளில் கிளை மேலாளர்கள் தவறாமல் கலந்து கொண்டு பரிசு பொருட்களை வழங்க வேண்டும் என கும்பகோணம் கோட்ட மேலாண் இயக்குநரகம் உத்தரவிட்டுள்ளார்.
கும்பகோணம் கோட்ட மேலாண் இயக்குநரகம் வெளியிட்டுள்ள சுற்றறிக்கையில், அரசு போக்குவரத்து தொழிலாளர்களுடன் நல்லுறவு மேம்படுத்தும் வகையில், தொழிலாளர் குடும்ப உறுப்பினர்களின் திருமண விழாக்களில் கிளை மேலாளர்கள், மேற்பார்வையாளர்கள் கலந்து கொள்ள வேண்டும் என்றும், நிர்வாகத்தின் சார்பில் ஆயிரம் ரூபாய் மதிப்புள்ள பரிசு பொருட்களை வழங்க வேண்டும் எனவும் தெரிவித்துள்ளது.
கும்பகோணம் கோட்டம் மேலாண் இயக்குநரகத்தின் நடவடிக்கை தொழிலாளர்கள் மத்தியில் மகிழ்ச்சியை ஏற்படுத்தியுள்ளதாகவும் கூறப்பட்டுள்ளது.
கும்பகோணம் கோட்ட சுற்றறிக்கையை முன்னுதாரணமாக கொண்டு மற்ற கோட்டங்களும் இந்த திட்டத்தை அமல்படுத்துமா என தொழிலாளர்கள் எதிர்பார்த்து காத்திருக்கின்றனர்.
