ராமநாதபுரம் மாவட்டம் திருவாடானையில் பிஎஸ்என்எல் அலுவலகம் இயங்கவில்லை என பொதுமக்கள் புகார் தெரிவித்துள்ளனர்.
திருவாடானையில் நீதிமன்றம், காவல்துறை துணை கண்காணிப்பாளர் அலுவலகம் உள்ளிட்ட பல்வேறு அரசு அலுவலகங்கள் இயங்கி வருகின்றன. இங்குள்ள பிஎஸ்என்எல் அலுவலகம் பல மாதங்களாக பராமரிப்பின்றி காணப்படுகிறது.
இதனால் இணையதள சேவை மற்றும் இதர சேவையில் தடை ஏற்பட்டால் அதை சரி செய்ய அலுவலகத்தை அணுக முடியாமல் பொதுமக்கள் அவதியடைந்து வருகின்றனர். ஆகவே, பிஎஸ்என்எல் அலுவலகம் இயங்க நடவடிக்கை எடுக்க வேண்டுமென அப்பகுதி மக்கள் கோரிக்கை விடுத்துள்ளனர்.
