ஆர்எஸ்எஸ் தொடர்பாக ஆட்சேபத்துக்குரிய கருத்து தெரிவித்த மக்களவை எதிர்க்கட்சித் தலைவர் ராகுல் காந்திக்கு பாஜக மூத்த தலைவரும் மத்திய அமைச்சருமான கிரிராஜ் சிங் கண்டனம் தெரிவித்துள்ளார்.
மூன்று நாள் பயணமாக அமெரிக்கா சென்ற ராகுல் காந்தி, டெக்சாஸில் இந்திய வம்சாவளியினர் மத்தியில் பேசியபோது ஆர்எஸ்எஸ் தொடர்பாக ஆட்சேபத்துக்குரிய கருத்து தெரிவித்தார்.
இதற்கு எதிர்ப்பு தெரிவித்த மத்திய அமைச்சர் கிரிராஜ் சிங், ராகுல் காந்தி ஏதாவது தொழில்நுட்பத்தை பயன்படுத்தி, தனது பாட்டியிடம் சென்று ஆர்எஸ்எஸ்-இன் பங்களிப்பைத் தெரிந்துகொள்ள வேண்டுமென அறிவுறுத்தினார்.
ஆர்எஸ்எஸ் பற்றி அறிய வேண்டுமானால், ராகுல் காந்தி பலமுறை பிறப்பெடுக்க வேண்டுமென கூறிய கிரிராஜ் சிங், துரோகியால் ஒருபோதும் ஆர்எஸ்எஸ்-ஐ புரிந்து கொள்ள முடியாது என ஆவேசமாக கூறினார்.
இந்தியாவை அவமதிக்க வேண்டுமென்ற நோக்கத்தில் ராகுல் காந்தி அமெரிக்கா சென்றிருப்பதாகவும், ஆர்எஸ்எஸ் இயக்கம் நாட்டின் கலாசார விழுமியங்களில் இருந்து உருவானது என்றும் மத்திய அமைச்சர் கிரிராஜ் சிங் தெரிவித்தார்.
