சென்னை தனியார் மருத்துவமனையில், நுரையீரல் தொற்று காரணமாக சிகிச்சை பெற்று வந்த தமிழ்நாடு வணிகர் சங்க பேரவைத் தலைவர் த.வெள்ளையன் சிகிச்சை பலனின்றி காலமானார்.
தமிழ்நாடு வணிகர் சங்க பேரவை தலைவர் த.வெள்ளையன், நுரையீரல் தொற்று காரணமாக சென்னை அமைந்தகரையில் உள்ள தனியார் மருத்துவமனையில் கடந்த 3-ஆம் தேதி சிகிச்சைக்காக அனுமதிக்கப்பட்டார்.
சாதாரண பிரிவில் அனுமதிக்கப்பட்ட அவா், கடந்த 5ஆம் தேதி தீவிர சிகிச்சைப் பிரிவுக்கு மாற்றப்பட்டு சிகிச்சை பெற்று வந்தார். தீவிர சிகிச்சை அளிக்கப்பட்டும் அவரது உடல்நிலை கவலைக்கிடமாகவே இருந்தது. இந்த நிலையில், த.வெள்ளையன் சிகிச்சை பலனின்றி காலமானார். அவரது மறைவுக்கு முதலமைச்சர் ஸ்டாலின் உள்ளிட்ட பலர் இரங்கல் தெரிவித்துள்ளனர்.
