அதிமுக பெண் கவுன்சிலரின் தந்தை சென்னை மாநகராட்சி அதிகாரிகளை நேரடியாக மிரட்டும் வீடியோ காட்சி சமூக வலைதளங்களில் வைரலாகி வருகிறது.
சென்னை மாநகராட்சி 196-வது வார்டு அதிமுக கவுன்சிலர் அஸ்வினியின் தந்தை டி.சி.கருணா என்பவர், தன்னையும் கவுன்சிலராக காட்டிக் கொண்டு சென்னை மாநகராட்சி, குடிநீர் வாரியம், மின்சார வாரியம், நெடுஞ்சாலை துறை, பொதுப்பணித்துறை என அனைத்து துறை சார்ந்த அதிகாரிகளையும் பல ஆண்டுகளாக மிரட்டி வந்ததாக கூறப்படுகிறது.
இந்நிலையில் அவர் சென்னை மாநகராட்சி அதிகாரிகளை நேரடியாக மிரட்டும் வீடியோ காட்சி தற்போது சமூக வலைதளங்களில் வைரலாகி அதிர்ச்சியை ஏற்படுத்தியுள்ளது.
மகள் அஸ்வினி கவுன்சிலராக உள்ள கண்ணகி நகரில் எந்த ஒரு பணியாக இருந்தாலும் தன்னை கேட்டு தான் செய்ய வேண்டும் எனவும், இல்லையென்றால் அந்த பணியை செய்ய விடமாட்டேன் எனவும் அவர் அதிகாரிகளை மிரட்டியது தொடர்பான வீடியோ காட்சி வெளியாகியுள்ளது.
