நீலகிரி மாவட்டம் கோத்தகிரி அருகே காட்டு யானை தாக்கி ஒருவர் உயிரிழந்த நிலையில், கிராம மக்கள் சாலை மறியலில் ஈடுபட்டனர்.
செங்கரை பகுதியில் உலா வந்த காட்டு யானை விஜயராஜ் என்ற இளைஞரை தாக்கியது. இதை தொடர்ந்து அந்த இளைஞரை அக்கம்பக்கத்தினர் மீட்டு கோவை அரசு மருத்துவமனையில் அனுமதித்த நிலையில், சிகிச்சை பலனின்றி அவர் உயிரிழந்தார்.
இந்நிலையில் ஆத்திரமடைந்த கிராம மக்கள், காட்டுயானைகள் ஊருக்குள் வராமல் தடுக்க வலியுறுத்தி சாலை மறியலில் ஈடுபட்டனர்.
