சிவகங்கை மாவட்டம் காரைக்குடியில் மேயர் பதவியேற்பு விழாவிற்காக முக்கிய சாலையை மறித்து மேடை அமைக்கப்படுவதால் வாகன ஓட்டிகள் அவதியடைந்துள்ளனர்.
காரைக்குடி நகராட்சி மாநகராட்சியாக தரம் உயர்த்தி தமிழ்நாடு அரசு அறிவிப்பு வெளியிட்டது. இந்நிலையில், திமுகவை சேர்ந்த முத்துத்துரை மேயராகவும், குணசேகரன் துணை மேயராகவும் பதவியேற்க உள்ளனர்.
இந்த பதவியேற்பு விழாவிற்கான மேடை பேருந்து நிலையத்திற்கு செல்லும் சாலையை மறித்து அமைக்கப்பட்டு வருகிறது. இதனால் அப்பகுதியில் அடிக்கடி போக்குவரத்து நெரிசல் ஏற்படுவதால் பொதுமக்கள் மற்றும் வாகன ஓட்டிகள் அவதியடைந்துள்ளனர்.
