ராஜஸ்தானில், வாகனத்தில் பொருத்தப்பட்டு இயக்கப்படும் பீரங்கி எதிர்ப்பு வழிகாட்டும் ஏவுகணை அமைப்பு வெற்றிகரமாக சோதித்து பார்க்கப்பட்டது.
அதானி டிஃபென்ஸ் மற்றும் ஏரோஸ்பேஸ் நிறுவனம், வாகனத்தில் பொருத்தப்பட்டு இயக்கக்கூடிய பாகீரா AT1 என்ற பீரங்கி எதிர்ப்பு வழிகாட்டும் ஏவுகணை அமைப்பை, பொக்ரான் ராணுவத் துப்பாக்கிச் சுடும் பயிற்சி மைதானத்தில் சோதித்து பார்த்தது.
பகல் மற்றும் இரவு ஆகிய இரு நேரங்களிலும் இலக்குகளைத் துல்லியமாகத் தாக்கும் திறன் சோதிக்கப்பட்டது. அடுத்தடுத்து இரண்டு ஏவுகணைகள் ஏவப்பட்டு, கவச வாகனத்தைப் போன்ற இலக்கைத் தாக்கும் திறனும் சோதித்து பார்க்கப்பட்டது.
இதுதவிர, நீட்டிக்கப்பட்ட தொலைவில் உள்ள வான்வழி இலக்கைத் தாக்கும் திறனும் சோதிக்கப்பட்டது. சோதனைகள் நிறைவடைந்த பின்னர், பாகீரா AT1 ஏவுகணை அமைப்பின் முழுமையான வடிவம் பார்வைக்கு வைக்கப்பட்டது.
















