தமிழகத்தில் கொலை வழக்குகள் குறைந்துள்ளதாகவும், போதைப்பொருள் தடுப்பு நடவடிக்கைகள் தீவிரமாக மேற்கொள்ளப்படுவதாகவும் தமிழக காவல்துறை தெரிவித்துள்ளது
தமிழகத்தில் சட்டம்-ஒழுங்கு பராமரிப்பு மற்றும் குற்றத்தடுப்பு நடவடிக்கைகள் தொடர்பாக வெளியிடப்பட்டுள்ள புள்ளிவிவரங்களின்படி, 2022 முதல் 2026 நவம்பர் 15-ம் தேதி வரையிலான காலகட்டத்தில் கொலை வழக்குகள் குறைந்துள்ளதாக தெரிவிக்கப்பட்டுள்ளது.
2022-ம் ஆண்டு ஆயிரத்து 484 கொலை வழக்குகள் பதிவான நிலையில், 2026-ம் ஆண்டு நவம்பர் 15-ம் தேதி வரை ஆயிரத்து 306 வழக்குகள் பதிவானதாக தமிழக காவல்துறை தெரிவித்துள்ளது.
2026 அக்டோபர் வரை பதிவான கொலை வழக்குகளில் தொடர்புடைய 3 ஆயிரத்து 229 குற்றவாளிகளில் 3 ஆயிரத்து 77 பேர் கைது செய்யப்பட்டுள்ளதாகவும், கைது நடவடிக்கை 95 சதவீதமாக உள்ளதாகவும் கூறப்பட்டுள்ளது.
குண்டர் தடுப்புச் சட்டத்தின் கீழ் ஆயிரத்து 919 பேர் கைது செய்யப்பட்டுள்ளனர்.
மேலும், 18 ஆயிரத்து 190 கிலோ போதைப்பொருட்கள் கைப்பற்றப்பட்டுள்ளதாகவும், இவ்வழக்குகளில் 15 ஆயிரத்து 478 பேர் கைது செய்யப்பட்டுள்ளதாகவும் தமிழக காவல்துறை தெரிவித்துள்ளது.
















