தானும், தனது கணவர் ஆதவ் அர்ஜூனாவும், 14 வருட திருமண வாழ்வை பரஸ்பரம் முடித்துக் கொண்டு மனம் ஒத்துப் பிரிவதாக டெய்சி மார்டின் அறிவித்துள்ளார்.
இதுகுறித்து சமூக வலைதளத்தில் டெய்சி மார்டின் வெளியிட்டுள்ள உருக்கமான பதிவில், 14 ஆண்டு கால திருமண வாழ்வை முடித்துக்கொள்வதாகவும், அமைச்சர் ஆதவ் அர்ஜூனாவும், தானும் பிரிந்து தனித்தனிப் பாதைகளில் பயணிக்க பரஸ்பரம் முடிவு செய்துள்ளதாகவும் குறிப்பிட்டுள்ளார். இது தங்கள் இருவருக்கும் ஒரு புதிய அத்தியாயமாக இருந்தாலும், இணைந்து குழந்தையை வளர்ப்பதிலும், தங்கள் குழந்தையின் மகிழ்ச்சியையும் நல்வாழ்வையும் உறுதி செய்வதிலும் முன்னுரிமை அளிப்போம் என்றும் கூறியுள்ளார். ஆதவ் மீது தனக்கு எப்போதும் மரியாதை உள்ளதாகவும், அவருக்கு மகிழ்ச்சி, அமைதி மற்றும் வெற்றி கிடைக்க மனதார வாழ்த்துவதாகவும் டெய்சி மார்டின் தெரிவித்துள்ளார்.
















