போதைப்பொருள் புழக்கத்தால் உயிரிழப்பு ஏற்பட்டால் சம்பந்தப்பட்ட காவல் ஆய்வாளர் பணிநீக்கம் செய்யப்படுவார் என தமிழக டிஜிபி மகேஷ்குமார் அகர்வால் எச்சரிக்கை விடுத்துள்ளார்.
இதுதொடர்பாக காவல்துறையினருக்கு அனுப்பியுள்ள சுற்றறிக்கையில், ஒரு காவல் நிலைய எல்லைக்குட்பட்ட பகுதியில் யாரேனும் போதைப்பொருள் உட்கொண்டு மரணம் ஏற்பட்டால் சம்பந்தப்பட்ட காவல் நிலைய ஆய்வாளர் பணி நீக்கம் செய்யப்படுவார் என தெரிவித்துள்ளார்.
மத்திய முகமைகள், ஒரு காவல் நிலைய எல்லைக்குட்பட்ட பகுதியில் போதைப்பொருட்களை பறிமுதல் செய்தால். சம்பந்தப்பட்ட காவல் நிலையத்தை சேர்ந்த காவல் ஆய்வாளர் உள்ளிட்ட காவலர்கள் மீது பணி நீக்க நடவடிக்கை மேற்கொள்ளப்படும் என குறிப்பிட்டுள்ளார்.
போதைப்பொருள் தடுப்பு நடவடிக்கைகளில் ஏதேனும் மெத்தனப்போக்கு இருந்தால், சம்பந்தப்பட்ட அதிகாரிகள் மீது கடும் நடவடிக்கை எடுக்கப்படும் என்றும் எச்சரித்துள்ளார்.
முன்னெச்சரிக்கை நடவடிக்கையாக, அனைத்துப் பிரிவு அலுவலர்கள், காவல் துணை ஆணையர்கள் மற்றும் காவல் ஆய்வாளர்கள் ஆகியோர் வெளிப்படையான காவல் பணிகளை மேம்படுத்துமாறு டிஜிபி அறிவுறுத்தியுள்ளார்.
