தமிழ்நாட்டைச் சேர்ந்த பெண்களுக்கு திருமணமாகும்போது, 8 கிராம் தங்க நாணயம், பட்டுப்புடவை ஆகியவற்றை வழங்கும் அண்ணன் சீர் திட்டத்திற்கான வழிகாட்டுதல்கள் வெளியிடப்பட்டுள்ளன
அதன்படி, தமிழ்நாட்டில் உள்ள அரசு இ-சேவை மையங்கள் அல்லது இணையதளம் வாயிலாக விண்ணப்பிக்கலாம் எனவும், திருமண தேதிக்கு 60 நாள்களுக்கு முன்பிருந்து திருமண நாள் வரை விண்ணப்பிக்கலாம் எனவும் கூறப்பட்டுள்ளது
மணப்பெண்ணின் குடும்ப ஆண்டு வருமானம் இரண்டரை லட்சத்துக்கு மிகாமல் இருக்க வேண்டும் எனவும், திருமண நிதியுதவிக்கான பிற அரசுத் திட்டங்களில் பயன்பெறாதவராக இருக்க வேண்டும் என்று தெரிவிக்கப்பட்டுள்ளது.
விண்ணப்ப நிலை குறித்து முறைப்படி தெரிவிக்கப்படும் எனவும், தகுதி இல்லாமல் விண்ணப்பம் நிராகரிக்கப்பட்டாலும் காரணம் தெரிவிக்கப்படும் எனவும் குறிப்பிடப்பட்டுள்ளது.
மேலும், விண்ணப்பதாரர்கள் மேல்முறையீடு செய்யவும் வாய்ப்பு உள்ளதாகவும் தெரிவிக்கப்பட்டுள்ளது.
















