தமிழக அரசு சமர்ப்பித்த வரலாற்றுத் தரவுகளால்தான் வருசநாடு – மேகமலை மலைக்கிராம மக்களுக்கு உச்ச நீதிமன்றம் 6 மாத அவகாசம் வழங்கியுள்ளதாக தேனி ஆட்சியர் சிவ கிருஷ்ணமூர்த்தி தெரிவித்துள்ளார்.
தேனி மாவட்டம் கடமலை – மயிலை ஒன்றியத்திற்கு உட்பட்ட 18 ஊராட்சிகளில், வன உரிமைக் குழுக்களை அங்கீகரிக்கும் விதமாகச் சிறப்பு கிராம சபைக் கூட்டம் நடைபெற்றது. இதில் பங்கேற்று ஆய்வு செய்த மாவட்ட ஆட்சியர், இந்த 6 மாத கால அவகாசத்தை நழுவ விடாமல், உரிய ஆவணங்களை சரியான முறையில் தயார் செய்ய வேண்டும் என வேண்டுகோள் விடுத்தார்.
பின்னர் செய்தியாளர்களிடம் பேசிய அவர், 3 தலைமுறைகள் வாழ்ந்ததற்கான ஆவணங்கள் ஆய்வு செய்யப்பட்டு, 30 நாட்களுக்குள் குழு அமைத்து அறிக்கை சமர்ப்பிக்கப்படும் என தெரிவித்தார்.
















