திருச்செந்தூர் சுப்பிரமணிய சுவாமி கோவில் நிகழ்ச்சிகளில் ஆன்மிகம் சாராத கோஷங்கள் மற்றும் தனிமனித துதி பாடல்களுக்கு தடை விதிக்கப்பட்டுள்ளது.
கடந்த 15-ஆம் தேதி நடைபெற்ற சூரசம்ஹாரத்தின்போது, கோவில் நிர்வாகம் சார்பில் பக்தி இன்னிசை நிகழ்ச்சி ஏற்பாடு செய்யப்பட்டிருந்தது.
இதில் பங்கேற்ற பாடகர்கள், முதலமைச்சர் மற்றும் இந்து சமய அறநிலையத்துறை அமைச்சருக்கு துதி பாடும் வகையில் செயல்பட்டது கடும் சர்ச்சையை ஏற்படுத்தியது.
இச்சம்பவம் கோவிலின் நற்பெயருக்கு களங்கம் ஏற்படுத்தும் வகையில் அமைந்துவிட்டதாக கோவில் நிர்வாகம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
எனவே, இனிவரும் காலங்களில் கோவில் நிர்வாகம் நடத்தும் ஆன்மீக மற்றும் பக்தி இன்னிசை நிகழ்ச்சிகளில் பங்கேற்கும் கலைஞர்கள், இறைபக்தி தொடர்பான பாடல்களை மட்டுமே பாட வேண்டும் என வலியுறுத்தப்பட்டுள்ளது.
மேலும், தனிமனித துதிப் பாடல்களை கட்டாயம் தவிர்க்க வேண்டும் எனவும் அறிவுறுத்தப்பட்டுள்ளது.
















