தருமபுரம் ஆதீனத்தில் சரஸ்வதி பூஜை, ஆயுத பூஜையையொட்டி, பழமை வாய்ந்த சிவிகைப் பல்லக்கு, நாற்காலி பல்லக்கு உள்ளிட்டவைகளுக்கு படையலிட்டு சிறப்பு வழிபாடு நடைபெற்றது.
மயிலாடுதுறையில் உள்ள தருமபுரம் ஆதீனத்தில் உள்ள ஆதீன பூஜை மடத்தில், பார்வதி, லட்சுமி மற்றும் சரஸ்வதி உருவத்தை ஆவாகனம் செய்து சிறப்பு பூஜை நடைபெற்றது.
இதில், ஸ்ரீலஸ்ரீ மாசிலாமணி தேசிக ஞானசம்பந்த பரமாச்சாரிய சுவாமிகள் பங்கேற்று, பட்டணப் பிரவேசத்துக்கு பயன்படுத்தும் சிவிகைப் பல்லக்கு, நாற்காலி பல்லக்கு, பிரயாண பல்லக்கு, வெள்ளிப் பல்லக்கு, ஈட்டி, வாள், துப்பாக்கி, செங்கோல் உள்ளிட்ட ஆதீனத்தில் பயன்படுத்தப்பட்ட மற்றும் பயன்படுத்தப்பட்டு வரும் தொன்மை வாய்ந்த பொருட்களுக்கு சிறப்பு பூஜை செய்து வழிபாடு மேற்கொண்டார்.
இதில், ஆதீன கட்டளைத் தம்பிரான் சுவாமிகள் மற்றும் பொதுமக்கள் கலந்து கொண்டனர். ஆதீன மடத்தில் வாய்ப்பாட்டு மற்றும் இசை பள்ளி மாணவர்களுக்கு அக்ஷராப்பியாசம் என்கிற ஆரம்பக்கல்வி இன்று தொடங்கியது.
