சென்னையில் நேற்று பெய்ததை போன்று, இன்று மிக கனமழை இருக்காது என தனியார் வானிலை ஆய்வாளர் பிரதீப் ஜான்னும் தெரிவித்துள்ளார்.
சென்னையில் கனமழை தொடரும் என வானிலை ஆய்வு மையம் தெரிவித்திருந்த நிலையில், அதிகாலை முதலே மழையின் அளவு குறைந்து காணப்படுகிறது.
இந்நிலையில், சென்னை, திருவள்ளூர், காஞ்சிபுரம் மற்றும் செங்கல்பட்டு மாவட்டங்களில் இன்று மிதமான மழையே தொடரும் என தனியார் வானிலை ஆய்வாளர் பிரதீப் ஜான் தெரிவித்துள்ளார்.
சென்னையில் நேற்று பெய்ததைப் போன்று மிக கனமழை, இன்று இருக்காது எனவும் அவர் தெரிவித்துள்ளார்.
காற்றழுத்த தாழ்வு மண்டலம் சென்னை அருகே கரையைக் கடக்கும் என எதிர்பார்க்கப்பட்டாலும், காற்று கடக்கும் பகுதி சென்னைக்கு வடக்கே இருப்பதால் சென்னை மக்கள் பீதி அடைய வேண்டாம் எனவும், மேம்பாலங்களில் வாகனங்களை நிறுத்தியிருப்போர் தைரியமாக அவற்றை வீட்டிற்கு திருப்பி கொண்டு வரலாம் எனவும் அவர் குறிப்பிட்டுள்ளார்.
