கடலூர் மாவட்டம், வடலூர் வள்ளலார் சர்வதேச மைய விவகாரத்தில், இந்து சமய அறநிலையத் துறைக்கு மூன்று வார அவகாசம் வழங்கி சென்னை உயர் நீதிமன்றம் உத்தரவிட்டுள்ளது.
வடலூர் வள்ளலார் சர்வதேச மையம் அமைக்க எதிர்ப்பு தெரிவித்த வழக்குகள் நீதிபதிகள் சுரேஷ்குமார் மற்றும் சவுந்தர் அமர்வுக்கு முன் மீண்டும் விசாரணைக்கு வந்தன. அப்போது, சர்வதேச மையம் அமைக்க உள்ள நிலம் வகைமாற்றம் செய்ததில் உள்ள குறைபாடுகளை நிவர்த்தி செய்து திருத்தியமைக்கப்பட்ட உத்தரவுகளை பெற இந்து சமய அறநிலையத் துறைக்கு மூன்று வார அவகாசம் வழங்கி சென்னை உயர் நீதிமன்றம் உத்தரவிட்டது.
மேலும், கோயில் நிலத்தை ஆக்கிரமித்துள்ளதாகக் கூறப்படும் 194 பேர் தரப்பில், நிலம் வள்ளலார் கோயிலுக்கு சொந்தமானது எனக் கூற எந்த ஆவண ஆதாரங்களும் இல்லை எனவும், கோயிலுக்கு சொந்தமான நிலங்களின் சர்வே எண்களை வழங்கவும், வழக்கு தொடர்பான ஆவணங்களை வழங்கவும் அறநிலையத் துறைக்கு உத்தரவிட வேண்டும் என கோரினர்.
இதையடுத்து, இந்து சமய அறநிலையத் துறையிடம் ஆவணங்களை கேட்டுப் பெற அறிவுறுத்திய நீதிபதிகள், நிலம் தங்களுக்கு சொந்தமானது என நிரூபிக்க ஆவண ஆதாரங்களை தாக்கல் செய்ய மூன்று வாரங்கள் அவகாசம் வழங்கி உத்தரவிட்டனர். மேலும், வழக்கு விசாரணையை நவம்பர் 14 -ம் தேதிக்கு தள்ளிவைத்தனர்.
