குரூப்-4 தேர்வு முடிவுகளை தமிழ்நாடு அரசுப் பணியாளர் தேர்வாணையம் வெளியிட்டது.
அரசு துறைகளில் காலியாக உள்ள கிராம நிர்வாக அலுவலர் உள்ளிட்ட பணியிடங்களை நிரப்புவதற்காக குரூப்-4 தேர்வு கடந்த ஜூன் மாதம் 9-ஆம் தேதி நடைபெற்றது.
சுமார் 20 லட்சம் பேர் குரூப்-4 தேர்வுக்கு விண்ணப்பித்திருந்த நிலையில், 15 லட்சத்து 80 ஆயிரம் பேர் தேர்வை எழுதினர். தொடர்ந்து குரூப்-4 தேர்வு முடிவு எப்போது வெளியாகும் என தேர்வர்கள் ஆவலுடன் எதிர்பார்த்து காத்திருந்த நிலையில், தேர்வு முடிவுகளை TNPSC நிர்வாகம் வெளியிட்டது.
தேர்வு முடிவுகளை தேர்வாணையத்தின் அதிகாரப்பூர்வ இணையதளங்களில் அறிந்து கொள்ளலாம் எனவும் தெரிவிக்கப்பட்டுள்ளது. முன்னதாக 8 ஆயிரத்து 932 காலிப் பணியிடங்கள் அறிவிக்கப்பட்டிருந்த நிலையில் 559 பணியிடங்கள் கூடுதலாக சேர்க்கப்பட்டதால் மொத்த காலி பணியிடங்களின் எண்ணிக்கை 9 ஆயிரத்து 491 ஆக உயர்ந்தது.
மேலும், முதன் முறையாக தேர்வு நடைபெற்ற மூன்று மாதத்தில் முடிவு வெளியிடப்பட்டுள்ளது குறிப்பிடத்தக்கது.
