தவெக மாநாட்டுக்காக சேலத்தின் பிரதான வீதிகளில் வைக்கப்பட்ட பேனர்களை அகற்ற மறுத்த 9 பேர் மீது வழக்குப்பதிவு செய்யப்பட்டது.
விஜய்யின் தமிழக வெற்றிக் கழக மாநாடு கடந்த 27-ஆம் தேதி விழுப்புரம் மாவட்டம் விக்கிரவாண்டியில் உள்ள வி.சாலையில் நடைபெற்றது. இதற்காக சேலம் மாவட்ட நிர்வாகிகள் சார்பில் 150-க்கும் மேற்பட்ட இடங்களில் பேனர்கள் வைக்கப்பட்டன.
இந்நிலையில், மாநாடு முடிந்து 3 நாட்களாகியும் பேனர்கள் அகற்றப்படாமல் உள்ளன. இதுகுறித்து திமுகவினர் காவல்நிலையத்தில் புகாரளித்த நிலையில், பேனர்களை அகற்றுமாறு தவெக நிர்வாகிகளிடம் போலீசார் அறிவுறுத்தினர்.
இதனையடுத்து 80-க்கும் மேற்பட்ட இடங்களில் பேனர்கள் அகற்றப்பட்டன. ஆனால் சில பகுதிகளில் உள்ள பேனர்களை தவெக-வினர் அகற்ற மறுத்ததால் 9 பேர் மீது போலீசார் வழக்குப்பதிவு செய்தனர்.
