ஈரான் மீது இஸ்ரேல் நடத்திய தாக்குதலுக்கு தக்க பதிலடி கொடுக்கப்படும் என, அந்நாட்டின் மதத்தலைவர் அயத்துல்லா அலி கொமேனி திட்டவட்டமாக தெரிவித்துள்ளார்.
கடந்த மாதம் 26ஆம் தேதி ஈரான் மீது இஸ்ரேல் தாக்குதல் நடத்தியது. ஈரானின் தலைநகர் மற்றும் முக்கிய நகரங்களில் உள்ள ராணுவ மையங்கள் மீது நடத்தப்பட்ட தாக்குதலில் 5 பேர் கொல்லப்பட்டனர்.
இந்நிலையில், ஈரானில் நிகழ்ச்சி ஒன்றில் பேசிய அயத்துல்லா அலி கொமேனி, ஈரான் மற்றும் அதன் கூட்டாளிகள் மீது நடத்தப்பட்ட தாக்குதலுக்கு இஸ்ரேல் மற்றும் அமெரிக்காவுக்கு தக்க பதிலடி கொடுக்கப்படும் என கூறினார்.
