ஜம்மு-காஷ்மீரின் ஸ்ரீநகரில் தீவிரவாதிகள் கையெறி குண்டு வீசி தாக்குதல் நடத்தியதில் 10-க்கும் மேற்பட்டோர் காயமடைந்தனர்
ஸ்ரீநகரின் லால் சவுக் ஞாயிறு சந்தையில் உள்ள சுற்றுலா மையத்தின் மீது தீவிரவாதிகள் கையெறி குண்டு வீசி தாக்குதல் நடத்தினர். இந்த தாக்குதலில் படுகாயமடைந்த 10-க்கும் மேற்பட்டோர் சிகிச்சைக்காக மருத்துவமனையில் அனுமதிக்கப்பட்டனர்.
ஸ்ரீநகரின் கான்யார் பகுதியில் லஷ்கரே தொய்பாவின் தளபதி ஒருவர் பாதுகாப்பு படையினரால் நேற்று சுட்டுக் கொல்லப்பட்டார். இதன் எதிரொலியாக இந்த கையெறி குண்டு வீச்சு தாக்குதல் நடத்தப்பட்டிருக்கலாம் என தெரிகிறது.
இதுகுறித்து பேசியுள்ள ஜம்மு-காஷ்மீர் முதலமைச்சர் ஒமர் அப்துல்லா, அப்பாவி பொதுமக்களை குறிவைத்து தாக்குதல் நடத்துவதை நியாயப்படுத்த முடியாது என தெரிவித்துள்ளார்.
