ஹைதராபாத்தில் சிறுவனை கடித்து இழுத்து சென்ற தெரு நாய்கள்!

தெலங்கானா மாநிலம் ஹைதராபாத்தில் சிறுவனை கடித்து தெரு நாய்கள் இழுத்துச் செல்லும் சிசிடிவி காட்சி வெளியாகி அதிர்ச்சியை ஏற்படுத்தியுள்ளது.

அல்லாப்பூர் காவல்நிலையத்துக்கு உட்பட்ட பகுதியில் உள்ள சாலையில் இரண்டு வயது சிறுவன் விளையாடிக் கொண்டிருந்தார். அப்போது அங்கு நின்றுகொண்டிருந்த தெரு நாய்கள் சிறுவனை சூழ்ந்து கொண்டன.

இதனால் அச்சமடைந்த சிறுவன் வீட்டுக்குள் செல்ல முயன்றபோது தெரு நாய்கள் கடித்து இழுத்துச் சென்றன. சிறுவனின் அழுகுரல் கேட்டு அங்குவந்த பெற்றோர் சிறுவனை மீட்டு மருத்துவமனைக்கு அழைத்துச் சென்றனர்.

அங்கு குழந்தைக்கு சிகிச்சை அளிக்கப்பட்ட பின் சிறுவன் வீடு திரும்பியுள்ளார்.