தேனி மாவட்டம் பெரியகுளம் அருகே பெய்த கனமழை காரணமாக சாலை துண்டிக்கப்பட்டதால், 10 மலை கிராமங்களை சேர்ந்த மக்கள் பாதிக்கப்பட்டுள்ளனர்.
தேனி மாவட்டம் பெரியகுளம் அருகே மேற்கு தொடர்ச்சி மலைப்பகுதியில் கண்ணகரை, அலங்காரம், பட்டூர், பரப்பம்பூர், அண்ணா நகர், கரும்பாறை உள்ளிட்ட 10க்கும் மேற்பட்ட கிராமங்கள் உள்ளன.
அண்மையில் பெய்த கனமழையால் இந்த கிராமங்களுக்கு செல்லும் சாலைகள் முற்றிலும் சேதமடைந்தன. இதனால், அத்தியாவசிய தேவைகளுக்கு கூட, வெளி இடங்களுக்கு செல்ல முடியாத நிலை ஏற்பட்டுள்ளது.
அப்பகுதிகளை சேர்ந்த மாணவர்களும் சகதிகளில் நடந்து, புதர்கள் வழியாக பள்ளிக்கு செல்ல வேண்டிய நிலை உருவாகியுள்ளது. எனவே, சேதமடைந்த சாலையை உடனடியாக சீரமைத்து தர வேண்டும் என பொதுமக்கள் கோரிக்கை விடுத்துள்ளனர்.
