சிவகாசியில் சிறுவர்கள் வெடித்த பட்டாசால் தீ விபத்து ஏற்பட்டு கூலித்தொழிலாளி ஒருவர் பரிதாபமாக உயிரிழந்தார்.
சிவகாசியை சேர்ந்த காளிராஜன் என்பவர் தனது வீட்டிற்கு பட்டாசுகளை வாங்கிக்கொண்டு சென்றுள்ளார். அப்போது வழியில் சிறுவர்கள் சிலர் பட்டாசு வெடித்துக்கொண்டிருந்தனர்.
இதிலிருந்து வெளியான தீப்பொறி காளிராஜன் வைத்திருந்த பட்டாசுகள் மீது பட்டு வெடி விபத்து ஏற்பட்டது. இதில் படுகாயமடைந்த காளிராஜன் மருத்துவமனையில் அனுமதிக்கப்பட்ட நிலையில், அவர் சிகிச்சை பலனின்றி உயிரிழந்தார்.
இச்சம்பவம் குறித்து வழக்குப்பதிவு செய்து போலீசார் விசாரித்து வருகின்றனர்.
