இந்தியர்கள் விசா இன்றி தாய்லாந்து பயணிக்கும் திட்டத்தை அந்நாட்டு அரசு காலவரையின்றி நீட்டித்தது.
இந்தியர்கள் தாய்லாந்தில் 60 நாட்கள் வரை விசா இன்றி பயணிக்கும் திட்டம் வரும் 11-ஆம் தேதி நிறைவடைய இருந்தது.
இந்தத் திட்டத்தின்கீழ் 60 நாட்கள் தாய்லாந்தில் தங்கியிருக்கும் இந்தியர்கள், உள்ளூர் குடியேற்ற அலுவலகத்தில் விண்ணப்பித்து மேலும் 30 நாட்கள் தங்கள் இருப்பை நீட்டித்துக் கொள்ளலாம்.
இந்நிலையில், இந்தத் திட்டத்தைக் காலவரையின்றி நீட்டிப்பதாக தாய்லாந்து அரசு தெரிவித்தது. இதன்மூலம் தாய்லாந்து செல்லும் இந்திய சுற்றுலா பயணிகளின் எண்ணிக்கை அதிகரிக்கும் என அந்நாட்டு அரசு கருதுகிறது.
