புதுச்சேரியில் சிறுமி ஒருவர் பாலியல் வன்கொடுமை செய்யப்பட்ட வழக்கில் மேலும் 3 பேரை போலீசார் கைது செய்துள்ளனர்.
புதுச்சேரியில் உறவினர் வீட்டுக்கு வந்த 16 வயது சிறுமி வெளியில் சென்று வெகு நேரமாகியும் வீடு திரும்பவில்லை.
அவரை தேடும் பணியில் ஈடுபட்ட போலீசார் காஜா மொய்தீன் என்ற ஆட்டோ ஓட்டுநர் சிறுமியை அழைத்து சென்று பாலியல் வன்கொடுமை செய்ததை கண்டுபிடித்தனர். பின்னர் அவரை கைது செய்து சிறையிலடைத்த காவல்துறையினர் சிறுமியிடம் விசாரணை நடத்தினர்.
அப்போது அவரை மேலும் 5 பேர் பாலியல் கொடுமை செய்தது தெரியவந்தது. அதன் பேரில் விசாரணை மேற்கொண்ட போலீசார் சென்னையை சேர்ந்த 3 பேரை கைது செய்தனர். மேலும் 2 பேர் குறித்து விசாரணை மேற்கொண்டு வருகின்றனர்.
