தேனி மாவட்டம் பெரியகுளம் காவலர்கள் குடியிருப்பு வளாகத்தில் 5 நாட்களுக்கும் மேலாக கழிவுநீர் தேங்கியுள்ளது.
பெரியகுளம் நகராட்சிக்கு உட்பட்ட தென்கரை பகுதியில் காவலர்களுக்கான அடுக்குமாடி குடியிருப்பு உள்ளது. இங்கு 50க்கும் மேற்பட்ட காவலர் குடும்பங்கள் வசித்து வரும் நிலையில், அங்குள்ள பாதாள சாக்கடையில் அடைப்பு ஏற்பட்டுள்ளது.
இதனால் குடியிருப்பு வளாகத்தில் கழிவுநீர் தேங்கி சுகாதார சீர்கேடு நிலவி வருகிறது. மேலும், இதுகுறித்து நகராட்சி நிர்வாகத்திடம் பலமுறை புகாரளித்தும் எந்த நடவடிக்கையும் இல்லை என காவலர்களின் குடும்பங்கள் குற்றம்சாட்டியுள்ளன.
