தமிழ் ஜனம் செய்தி எதிரொலியால் சென்னை ரிப்பன் மாளிகை கட்டடத்தில் ஏற்பட்டுள்ள விரிசல்களை சீரமைக்கும் பணியில் மாநகராட்சி நிர்வாகம் ஈடுபட்டுள்ளது.
சென்னை மாநகரின் நிர்வாக தலைமையிடமாக ரிப்பன் மாளிகை கட்டடம் விளங்கி வருகிறது. நூற்றாண்டுகளை கடந்த இந்ந கட்டடத்தில் ஒரு சில இடங்களில் விரிசல் ஏற்பட்டும், செடிகள் முளைத்தும் பழுதடைந்த நிலையில் காட்சியளித்தது.
இதுகுறித்து நமது தமிழ் ஜனம் தொலைக்காட்சியில் செய்தி வெளியானது. இதையடுத்து மறுதினமே மாநகராட்சி கட்டிட துறை பொறியாளர்கள் குழுவினர் விரிசல் ஏற்பட்ட இடங்களில் ஆய்வு செய்திருந்தனர். இந்நிலையில் கட்டடத்தில் விரிசல் ஏற்பட்டுள்ள இடங்களை சீரமைக்கும் பணியில் மாநகராட்சி நிர்வாகம் ஈடுபட்டுள்ளது.
