பரந்தூர் விமான நிலைய திட்டத்திற்காக அளவீடு செய்ய வந்த அதிகாரிகளை தடுத்து நிறுத்திய விவசாயிகள் கைது செய்யப்பட்டனர்.
சென்னையில் 2வது சர்வதேச பசுமைவெளி விமான நிலையம் அமைப்பதற்கான பணிகள் நடைபெற்று வருகின்றன.
இந்த திட்டத்திற்காக காஞ்சிபுரம் மாவட்டத்தில் உள்ள ஏகனாபுரம் உள்ளிட்ட 20 கிராமங்களில் 5 ஆயிரம் ஏக்கர் பரப்பளவு நிலம் கையகப்படுத்தும் பணி நடைபெற்று வருகிறது. இதற்கு, அப்பகுதி மக்கள் கடும் எதிர்ப்பு தெரிவித்து பல்வேறு போராட்டங்களை நடத்தி வருகின்றனர்.
இந்நிலையில், நெல்வாய் உள்ளிட்ட பகுதிகளில் நீர்வளத்துறை அதிகாரிகள் ஆழ்துளை கிணறுகளை கணக்கெடுக்கும் பணியில் ஈடுபட்டனர். அவர்களை தடுத்து நிறுத்தி வாக்குவாதத்தில் ஈடுபட்ட பொதுமக்கள் மற்றும் விவசாயிகளை போலீசார் கைது செய்தனர்.
