ஜார்க்கண்டில் வேலையில்லா பட்டதாரிகளுக்கு மாதம் 2000 ரூபாய் அவர்களின் கணக்கில் 2 ஆண்டுகளுக்கு டெபாசிட் செய்யப்படும் என மத்திய அமைச்சரும் பாஜக மூத்த தலைவருமான ராஜ்நாத் சிங் அறிவித்துள்ளார்.
ஜார்க்கண்டில் வரும் 13 மற்றும் 20ஆம் தேதிகளில் இரண்டு கட்டமாக சட்டப் பேரவைத் தேர்தல் நடைபெறுகிறது. இந்நிலையில், குந்தியில் நடைபெற்ற தேர்தல் பிரசாரத்தில் அவர் பங்கேற்று பேசினார்.
அப்போது, ஆண்டுக்கு இரண்டு எல்பிஜி சிலிண்டர்கள் இலவசமாக வழங்கப்படும் என வாக்குறுதியளித்தார்.
காங்கிரஸ் நாட்டை ஏழையாக்கியது என்றும் தெரிவித்த அவர், 2014ல், 11வது இடத்தில் இருந்த இந்திய பொருளாதாரம் பிரதமர் நரேந்திர மோடியின் 7 ஆண்டுகால ஆட்சியில், 5-வது பொருளாதாரமாக உயர்ந்துள்ளது என தெரிவித்தார்.
