அமெரிக்க அதிபராக தேர்வாகியுள்ள டொனால்டு டிரம்பை, தற்போதைய அதிபர் ஜோ பைடன் வரும் 13ஆம் தேதி சந்திக்க உள்ளதாக வெள்ளை மாளிகை அறிவித்துள்ளது.
அமெரிக்காவின் 47-வது அதிபராக, குடியரசு கட்சியைச் சேர்ந்த டொனால்டு டிரம்ப் மீண்டும் தேர்வு செய்யப்பட்டார். அவருக்கு உலகத் தலைவர்கள் பலர் வாழ்த்து தெரிவித்து வருகின்றனர். டிரம்ப் அடுத்த ஆண்டு ஜனவரி 20-ஆம் தேதி வாஷிங்டனில் பதவியேற்க உள்ளார்.
அதிபராக தேர்ந்தெடுக்கப்பட்ட டிரம்புக்கு வாழ்த்து தெரிவித்த அதிபர் ஜோ பைடன், வெள்ளை மாளிகையில் வந்து சந்திக்குமாறு அழைப்பு விடுத்திருந்தார்.
இந்நிலையில், அமெரிக்க அதிபர் ஜோ பைடனும், அதிபராக தேர்ந்தெடுக்கப்பட்டுள்ள டொனால்ட் டிரம்பும், வரும் 13ஆம் தேதி சந்தித்துப் பேச உள்ளதாக வெள்ளை மாளிகை தெரிவித்துள்ளது.
