குமரியில் கனமழை! – சிற்றார் அணையில் இருந்து உபரிநீர் திறப்பு!

அதிக நீர்வரத்து காரணமாக குமரி மாவட்டம் திற்பரப்பு அருவியில் குளிக்க 4வது நாளாக தடை விதிக்கப்பட்டுள்ளது.

கன்னியாகுமரி மாவட்டத்தில் கடந்த சில நாட்களாகவே கனமழை பெய்து வருகிறது. இதனால் சிற்றார் அணையில் இருந்து உபரிநீர் திறந்து விடப்பட்டதன் எதிரொலியாக கோதையாற்றில் வெள்ளப்பெருக்கு ஏற்பட்டு திற்பரப்பு அருவியில் தண்ணீர் ஆர்ப்பரித்து கொட்டுகிறது.

எனவே, சுற்றுலா பயணிகளின் பாதுகாப்பு கருதி அருவியில் குளிக்க 4-வது நாளாக தடை நீட்டிக்கப்பட்டுள்ளது. இதனால் அருவியில் குளிக்க ஆர்வமுடன் வருகை தந்த சுற்றுலா பயணிகள் ஏமாற்றத்துடன் திரும்பிச் சென்றனர்.