இலங்கை நாடாளுமன்றத் தேர்தலில் தேசிய மக்கள் சக்தி கட்சி 159 இடங்களில் அமோக வெற்றிப் பெற்று அறுதி பெரும்பான்மையுடன் ஆட்சியை தக்கவைத்தது.
மொத்தம் 225 உறுப்பினர்களைக் கொண்ட இலங்கை நாடாளுமன்றத்துக்கு நேற்று தேர்தல் நடைபெற்றது. இதில் அனுரா குமாராவின் தேசிய மக்கள் சக்தி கட்சி, முன்னாள் அதிபர் ரணில் விக்ரமசிங்கேவின் புதிய ஜனநாயக முன்னணி, முன்னாள் அதிபர் ராஜபக்சேவின் பொதுஜன முன்னணி உள்ளிட்ட கட்சிகள் போட்டியிட்டன. அதேபோல, தமிழர் கட்சிகளும் தனித்தனியே களம் கண்டன.
வாக்குப்பதிவு முடிந்த கையோடு, வாக்கு எண்ணிக்கை தொடங்கியது. பெரும்பான்மைக்கு 113 இடங்கள் தேவைப்படும் நிலையில், தேசிய மக்கள் சக்தி கட்சி 159 இடங்களில் அமோக வெற்றி பெற்றுள்ளது. ஐக்கிய மக்கள் சக்தி 40 இடங்களையும், இலங்கைத் தமிழ் அரசுக் கட்சி 8 இடங்களையும் பிடித்துள்ளன.
இந்த வெற்றி குறித்து கருத்து தெரிவித்துள்ள இலங்கை அதிபர் அனுர குமார திசாநாயக்க, மறுமலர்ச்சி யுகத்தை தொடங்க ஆதரவளித்த அனைவருக்கும் நன்றி என தெரிவித்துள்ளார்.
