காஞ்சிபுரம் மாவட்டம் ஸ்ரீபெரும்புதூர் அருகே கேஸ் சிலிண்டர்களை ஏற்றிச் சென்ற வாகனத்தில் இருந்து கரும்புகை வெளியேறியதால் வாகன ஓட்டிகள் அச்சமடைந்தனர்.
ஸ்ரீபெரும்புதூர் – தாம்பரம் ஜங்ஷன் அருகே கேஸ் சிலிண்டர்களை ஏற்றிக்கொண்டு டாடா ஏஸ் வாகனம் சென்றுகொண்டிருந்தது.
அப்போது திடீரென வாகனத்தில் இருந்து கரும்புகை வெளியேற தொடங்கியது. இதன் காரணமாக அப்பகுதி முழுவதும் கரும்புகை சூழ்ந்ததால் அவ்வழியே வந்த வாகன ஓட்டிகள் விபத்து ஏற்படுமோ என்ற அச்சத்துடன் கடந்து சென்றனர்.
