தஞ்சை – திருச்சி தேசிய நெடுஞ்சாலையில் கட்டுப்பாட்டை இழந்த வேன் ஒன்று தடுப்புச் சுவரில் மோதி விபத்துக்குள்ளானது.
இதில் வேனில் பயணம் செய்த அனைவரும் நல்வாய்ப்பாக உயிர் தப்பினர். தர்மபுரியைச் சேர்ந்த 20 -க்கும் மேற்பட்டோர், வேளாங்கண்ணி கோயிலுக்கு சென்றுவிட்டு, சொந்த ஊர் திரும்பியபோது, செங்கிப்பட்டி சர்வீஸ் சாலை அருகே, முன்னாள் சென்ற கார் மீது மோதி வேன் கவிழ்ந்தது.
இதில், காரில் சென்றவர் சிறு காயங்களுடன் உயிர் தப்பினார். இந்த சம்பவத்தால், அந்த பகுதியில் சிறிது நேரம் போக்குவரத்து பாதிக்கப்பட்டது. விபத்து குறித்து போலீசார் வழக்குப் பதிவு செய்து விசாரணை மேற்கொண்டுள்ளனர்.
