பீகார் மாநிலம் பாட்னாவில் புஷ்பா-2 டிரெய்லர் வெளியீட்டு விழாவில் லட்சக்கணக்கான ரசிகர்கள் திரண்டதால் தள்ளுமுள்ளு ஏற்பட்டது.
நடிகர் அல்லு அர்ஜூன் நடித்த புஷ்பா-2 திரைப்படம் அடுத்த மாதம் 5-ஆம் தேதி வெளியாகிறது. இதையொட்டி, பாட்னாவில் டிரெய்லர் வெளியீட்டு விழா நடைபெற்றது.
இதில் நடிகர் அல்லு அர்ஜூன், நடிகை ராஷ்மிகா மந்தனா உள்ளிட்ட திரைப்படக் குழுவினர் பங்கேற்றனர். அவர்களை காண ரசிகர்கள் முண்டியடித்துக் கொண்டு வந்ததால், கூட்டத்தில் தள்ளுமுள்ளு ஏற்பட்டது.
மேலும், அங்குள்ள கோபுரத்தில் ரசிகர்கள் ஏறியதால் அவர்களை போலீஸார் எச்சரித்தனர்.
