அதிவேகமாக பயணித்த கார் சாலையோரம் நின்றிருந்த லாரி மீது மோதி விபத்து!

வேலூரில் அதிவேகமாக பயணித்த கார் சாலையோரம் நின்றிருந்த லாரி மீது மோதியதில் 3 பேர் உயிரிழந்தனர்.

வேலூர் கொணவட்டம் அருகே சென்னை – பெங்களூரு தேசிய நெடுஞ்சாலையில் கார் ஒன்று வேகமாக பயணித்துள்ளது. அப்போது கட்டுப்பாட்டை இழந்த கார், சர்வீஸ் சாலையில் நின்றுகொண்டிருந்த லாரி மீது மோதியுள்ளது.

இதில் காரில் பயணித்த 4 பேரும் வெவ்வேறு மருத்துவமனைகளுக்கு சிகிச்சைக்காக அழைத்துச்செல்லப்பட்ட நிலையில், 3 பேர் சிகிச்சை பலனின்றி உயிரிழந்தனர். மேலும், படுகாயங்களுடன் மீட்கப்பட்ட மற்றொரு நபருக்கு தீவிர சிகிச்சை அளிக்கப்பட்டு வருகிறது.