நாடாளுமன்றத்தில் பெண் எம்.பி புகைப்பிடித்த வீடியோ சமூக வலைதளங்களில் வேகமாக பரவி வருகிறது.
தென் அமெரிக்க நாடான கொலம்பியாவை சேர்ந்தவர் கேத்தி ஜூவினோ. அந்த நாட்டின் முக்கிய தேசிய கட்சிகளில் ஒன்றான கிரீன் கட்சியை சேர்ந்தவரான இவர் கடந்த 2022-ம் ஆண்டு நடந்த தேர்தலில் வென்று எம்.பி.யாக தேர்வு செய்யப்பட்டார்.
இந்த நிலையில், தலைநகர் பகோடாவில் உள்ள அந்த நாட்டின் நாடாளுமன்ற அவையில் விவாதம் நடந்து கொண்டிருந்த போது அவர் இ-சிகரெட்டை கொண்டு புகை பிடித்தார்.
இதனை தொடர்ந்து கேத்தி ஜூவினோ தனது செயலுக்கு வருத்தம் தெரிவித்து நாட்டு மக்களிடமும், சபாநாயகரிடமும் மன்னிப்பு கோரினார்.
