விண்வெளியில் இன்று நடைபெற இருந்த Space Docking, தொழில்நுட்ப சிக்கல் காரணமாக ஒத்திவைக்கப்படுவதாக இஸ்ரோ தெரிவித்துள்ளது.
இந்திய விண்வெளி ஆராய்ச்சி நிறுவனமான இஸ்ரோ ‘ஸ்பேடக்ஸ்’ என்ற திட்டத்தின் கீழ், விண்வெளியில் செயற்கைக்கோள் மற்றும் விண்கலங்களை இணைக்கும் தொழில்நுட்பத்தை ஆய்வு செய்ய 2 புதிய செயற்கைக்கோள்களை வடிவமைத்தது.
இந்த 2 செயற்கைக் கோள்களும் பி.எஸ்.எல்.வி. சி-60 ராக்கெட் மூலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து கடந்த 30-ம் தேதி விண்ணில் செலுத்தப்பட்டது. தொடர்ந்து விண்வெளியில் இன்று காலை 8 மணிக்கு நடைபெற இருந்த Space Docking ஒத்திவைக்கப்படுவதாக இஸ்ரோ அறிவித்துள்ளது.
செயற்கைக்கோள்கள் நெருங்கி வந்த நிலையில், தொழில்நுட்ப சிக்கல் காரணமாக இணைப்பு பணி ஒத்திவைக்கப்பட்டு உள்ளதாக இஸ்ரோ வெளியிட்ட எக்ஸ் பதிவில் தெரிவிக்கப்பட்டுள்ளது.
