திருச்சி மாவட்டம் திருவெறும்பூர் அருகே உள்ள சூரியூர் கிராமத்தில் ஜல்லிக்கட்டு போட்டி வெகு விமர்சையாக நடைபெற்றது.
பொங்கல் பண்டிகை என்றாலே தமிழரின் பாரம்பரியமான விளையாட்டுப் போட்டிகளில் முதன்மையான ஜல்லிக்கட்டு போட்டி நடைபெறுவது வழக்கம். அந்த வகையில் மதுரைக்கு பின் திருச்சி மாவட்டம் சூரியூர் ஜல்லிக்கட்டும் புகழ்பெற்ற ஒன்றாக விளங்குகிறது.
சூரியூர் நற்கடல்குடி கருப்பணசாமி கோயில் திருவிழாவை ஒட்டி நடைபெறும் இந்த ஜல்லிக்கட்டு போட்டியில், திருச்சி, தஞ்சாவூர், புதுக்கோட்டை, பெரம்பலூர் உள்ளிட்ட பல்வேறு மாவட்டங்களைச் சேர்ந்த 775 காளைகளும், 500 வீரர்களும் பங்கேற்றனர். விறு விறுப்பாக நடைபெற்ற ஒவ்வொரு சுற்று போட்டிகளிலும் காளைகள் களத்தில் சீறிப்பாய்ந்தன.
பின்னர் போட்டியில் வெற்றி பெற்ற காளைகள் மற்றும் மாடுபிடி வீரர்களுக்கும் தங்க மோதிரம், இருசக்கர வாகனம் மற்றும் வீட்டு உபயோக பொருட்கள் பரிசாக வழங்கப்பட்டன.
