கனமழை காலத்தில் தனியார் வானிலை ஆய்வாளர்கள் பேசுவதை பொருட்படுத்தக் கூடாதென, தென்மண்டல வானிலை ஆய்வு மைய தலைவர் பாலச்சந்திரன் தெரிவித்துள்ளார்.
சென்னை காமராஜர் சாலையில் உள்ள ராணி மேரி கல்லூரியில் நடைபெற்ற மாநில அளவிலான அறிவியல் மாநாட்டில் தென்மண்டல வானிலை ஆய்வு மைய தலைவர் பாலச்சந்திரன் பங்கேற்று பேசினார்.
அப்போது, மாணவி ஒருவர் கனமழை காலங்களில் தனியார் வானிலை ஆய்வாளர்கள் கூறும் தகவலுக்கும், வானிலை மையத்தின் அறிவிப்புக்கும் பல மாறுபாடுகள் இருப்பதாகக் கேள்வி எழுப்பினார்.
இதற்கு பதிலளித்த பாலச்சந்திரன், அறிவியல்பூர்வமான தகவலை மட்டுமே உறுதி செய்ய வேண்டும் என்று கூறினார். தனியார் வானிலை ஆய்வாளர்கள் பேசுவதை பொருட்படுத்தக் கூடாதெனவும் பாலச்சந்திரன் தெரிவித்தார்.
