கோவையில் அமைச்சர் கே.என்.நேருவின் சகோதரர் மணிவண்ணன் இல்லத்தில் நடத்தப்பட்ட சோதனையில் கிடைத்த முக்கிய ஆவணங்களை அமலாக்கத்துறை எடுத்துச் சென்றனர்.
நகராட்சி நிர்வாகத்துறை அமைச்சர் கே.என்.நேருவின் சகோதரர்கள் நடத்தி வரும் TVH கட்டுமான நிறுவனத்தில் அமலாக்கத்துறை அதிகாரிகள் சோதனை நடத்தினர்.
சென்னை, கோவை, திருச்சி உட்படத் தமிழகம் முழுவதும் 30-க்கும் மேற்பட்ட இடங்களில் சோதனை நடைபெற்றது.
கோவையில் உள்ள TVH அலுவலகம் மற்றும் மசக்காளிபாளையத்தில் உள்ள TVH அடுக்குமாடிக் குடியிருப்பு வளாகத்தில் உள்ள அமைச்சர் நேருவின் சகோதரர் மணிவண்ணன் இல்லம் ஆகிய இடங்களில் சோதனை நடத்தப்பட்டது.
சுமார் 24 மணி நேரம் நடைபெற்ற சோதனையில் சிக்கிய முக்கிய ஆவணங்களை அமலாக்கத்துறை அதிகாரிகள் கைப்பற்றி எடுத்துச் சென்றனர்.
