தமிழக அமைச்சரவையில் மாற்றம்!

அமைச்சரவையிலிருந்து பொன்முடி, செந்தில்பாலாஜி நீக்கம் செய்யப்பட்ட நிலையில் அந்த பொறுப்பு மூத்த அமைச்சர்களுக்குக் கூடுதலாக ஒதுக்கப்பட்டுள்ளது.

அதன்படி, செந்தில்பாலாஜி வசமிருந்த மதுவிலக்கு மற்றும் ஆயத்தீர்வைத்துறை, வீட்டு வசதி துறை அமைச்சர் முத்துசாமிக்குக் கூடுதலாக ஒதுக்கப்பட்டுள்ளது.

போக்குவரத்துத் துறை அமைச்சர் சிவசங்கருக்கு, மின்சாரத்துறை கூடுதலாக வழங்கப்பட்டுள்ளது.

இதேபோல் பிற்படுத்தப்பட்டோர் நலத்துறை அமைச்சர் ராஜகண்ணப்பனுக்கு கூடுதலாக வனத்துறை மற்றும் காதி துறை ஒதுக்கீடு செய்யப்பட்டுள்ளது

மேலும் பால்வளத்துறை அமைச்சராகப் பதவி வகித்து நீக்கம் செய்யப்பட்ட மனோ தங்கராஜ் தமிழக அமைச்சரவையில் மீண்டும் சேர்க்கப்படுவதாக அறிவிக்கப்பட்டுள்ளது.

இதைத்தொடர்ந்து மனோ தங்கராஜின் பதவியேற்பு விழா இன்று மாலை 6 மணிக்கு ஆளுநர் மாளிகையில் நடைபெறுமெனத் தெரிவிக்கப்பட்டுள்ளது.