ஐ.பி.எல். தொடரில் டெல்லி அணிக்கு எதிராக நடைபெற்ற ஆட்டத்தில் சிஎஸ்கே வீரர் நூர் அகமது புதிய சாதனை ஒன்றைப் படைத்துள்ளார்.
இப்போட்டியில் நூர் அகமது ஒரு விக்கெட்டை வீழ்த்தியதன் மூலம் நடப்பு தொடரில் 21 விக்கெட்டுகளை கைப்பற்றி அசத்தியுள்ளார்.
இதன் மூலம் ஐ.பி.எல் தொடர் வரலாற்றில் சி.எஸ்.கே அணிக்காக ஒரு சீசனில் அதிக விக்கெட்டுகளை வீழ்த்திய சுழற்பந்து வீச்சாளர்கள் பட்டியலில் நூர் அகமது இரண்டாம் இடத்தைப் பிடித்துள்ளார்.
முன்னதாக அஸ்வின் மற்றும் ஜடேஜா இருவரும் ஒரு சீசனில் 20 விக்கெட்டுகளை வீழ்த்தி இரண்டாம் இடத்தில் இருந்தனர். தற்போது அவர்களைப் பின்னுக்குத் தள்ளி நூர் அகமது இரண்டாம் இடத்திற்கு முன்னேறியுள்ளார்.
